បុរសគួរយល់ដឹង តើស្ត្រីចូលចិត្តរួមភេទនៅថ្ងៃណា?

By admin សិល្បះកំសាន្ត, សុខភាព Leave a Comment

ការរួមភេទ គឺជារឿងមួយមិនអាចខ្វះបានសម្រាប់ជីវិតប្តី-ប្រពន្ធគ្រប់រូប ប៉ុន្តែតើបងបុរសៗដឹងទេថា តើស្ត្រីៗជាដៃគូស្នេហានិយមរួមភេទនៅថ្ងៃណាដែរ? មានមនុស្សមួយចំនួនយល់ឃើញថា ថ្ងៃចន្ទគឺជាថ្ងៃមួយដែលសោកសៅបំផុតសម្រាប់ការរួមស្នេហា ប៉ុន្តែបើតាមការស្ទង់មតិ របស់ទស្សនាវដ្តី Lift បានឲ្យដឹងថា គ្មាននារីណាម្នាក់ក្នុងចំណោមនារី១៥០០នាក់ ដែលគេធ្វើការស្ទង់មតិឆ្លើយថា ថ្ងៃចន្ទជាថ្ងៃមិនល្អឡើយ។ ផ្ទុយទៅវិញ៧៧ភាគរយនៃស្ត្រីទាំងអស់នេះបាននិយាយថា ពួកគេរួមភេទនៅថ្ងៃចន្ទច្រើនជាងថ្ងៃណាៗទាំងអស់។ ថ្ងៃពុធក៏មិនធម្មតាដែរសម្រាប់ការរួមស្នេហា។ ស្ត្រីចំនួន៦៨ ភាគរយដែលបានចូលរួមក្នុងការស្ទង់មតិបានឲ្យដឹងថា ពួកគេនិយមរួមភេទនៅថ្ងៃនេះ។

ចំណែកឯថ្ងៃសុក្រវិញគឺជាថ្ងៃដ៏ល្អ និងមានប្រជាប្រិយបំផុតសម្រាប់ការថើបបបោសអង្អែល។ មានស្ត្រីចំនួន៤៥ភាគរយបាននិយាយថា នៅថ្ងៃសុក្រនេះគេចូលចិត្តឲ្យដៃគូរបស់គេនូវការរួមស្នេហាតាមរបៀប អូរ៉ាល់សិច ខណៈនារី២៣ភាគរយ និយមចូលចិត្តការរួមភេទបែបនេះនៅថ្ងៃសៅរ៍ទៅវិញ ដោយពួកគេបានឲ្យឈ្មោះថា ជាថ្ងៃរួមភេទដ៏ល្អបំផុតប្រចាំសប្តាហ៍។ លើសពីនេះទៅទៀតការស្ទង់មតិនេះក៏បានបង្ហើបឲ្យដឹងដែរថា មានស្ត្រីស្ទើរតែពាក់កណ្តាលនៃស្ត្រីទាំងអស់នេះ នឹកស្រមៃដល់ការរួមភេទនៅពេលដែលពួកគេកំពុងធ្វើការបោកគក់ខោអាវ និង៦០ភាគរយ គិតពីរឿងនេះខណៈដែលគេកំពុងធ្វើការ។

បើនិយាយពីស្ទីលនៃការរួមភេទវិញ ស្ត្រីចំនួនរហូតដល់ទៅ៨១ភាគរយបាននិយាយថា ពួកគេចូលចិត្តការរួមភេទ តាមស្ទីលធម្មជាតិ ពោលគឺស្ត្រីនៅពីក្រោម និងបុរសនៅពីលើ។ ១ភាគ៣នៃស្ត្រីដែលបានចូលរួមក្នុងការស្ទង់មតិនេះ ក៏បានឲ្យដឹងផងដែរថា ពួកគេមានការរំខានមួយចំនួនពេលដែលពួកគេកំពុងរួមភេទ។ ការរំខានទាំងនោះរួមមានការព្រួយបារម្ភពីការងារសំឡេងរំខានរបស់កូនៗ ឬសត្វចិញ្ចឹមផ្សេងៗ។ នៅចុងក្រោយនៃការស្ទង់មតិនេះ ស្ត្រី៨៧ភាគរយបាននិយាយឲ្យដឹងថា ពួកគេចូលចិត្តការថើបអង្អែល និង៨២ភាគរយ ចូលចិត្តឲ្យដៃគូបបោសអង្អែលនៅត្រង់ចំណុចស្រៀវស្រើបបំផុតរបស់គេ៕

អានបន្ត...

ផលប្រយោជន៍របស់គ្រាប់ម្រេច

By admin សុខភាព Leave a Comment

គ្រាប់ម្រេចចាប់មានឡើងតាំងពីកកើតដី មកម្ល៉េះ វាពិតជាមានសារៈសំខាន់ណាស់ក្នុងសតវត្សមួយ គេប្រើគ្រាប់ម្រេចដូចជារូបិយវត្ថុនិងធ្វើជំនួញប្រៀបដូចជា គ្រឿងអលង្ការហិរដូច្នេះដែរ។មិនតែប៉ុណ្ណោះ ម្រេចត្រូវបានប្រើសម្រាប់ការពារសាច់កុំឲ្យខូច និងជាគ្រឿងបន្ថែមរសជាតិ ដល់ម្ហូប គ្រប់មុខបានទៀតផង។

កម្មវិធីធ្វើម្ហូបតាមទូរទស្សន៍ សៀវភៅ និងថ្នាក់រៀន បានផ្តល់ឲ្យអ្នកនូវដំបូន្មានល្អបំផុតក្នុង ការបន្ថែមគ្រឿងទៅ ក្នុងម្ហូបជាពិសេសគឺអំបិល និងម្រេចដែលធ្វើឲ្យម្ហូបទទួលបានឱជារសដ៏ឆ្ងាញ់ពិសា។

ម្យ៉ាងទៀតគ្រាប់ម្រេចមានច្រើនប្រភេទដូចជាពណ៌ ខ្មៅ ខៀវ ស និងផ្កាឈូក ដែលប្រើក្នុងការចំអិនមុខម្ហូបខុសៗគ្នានៅជុំវិញពិភពលោក។ ម្រេចខ្មៅ ឬហៅថាPipernigrum ជាប្រភេទវល្លិ៍អំបូរតែមួយនឹង Piperaceae ដែរ។

បើនិយាយពីសៀវភៅពេទ្យនៅប្រទេសឥណ្ឌាកាលពីសតវត្សទី៥ មានសរសេរពីអត្ថប្រយោជន៍នៃម្រេចក្នុងការព្យាបាលជំងឺផ្សេងៗដូចជាឈឺ ត្រចៀក បញ្ហាថ្លើម សួត ជំងឺចាក់ច្រាស ទល់លាមក ជំងឺពុកធ្មេញនិងការរលាកដោយព្រះអាទិត្យជាដើម។ បន្ថែមពី នេះទៀតវាជួយដល់លំពែងដែល ជាប្រព័ន្ធរំលាយអាហារក្នុងរាងកាយមនុស្សព្រមទាំងកាត់បន្ថយកម្រិត អាហារក្នុងរាងកាយដូចគ្នាក្រៅពី នេះវាជួយបង្កើនសកម្មភាពខួរក្បាលដែល ជាធម្មជាតិប្រឆាំងភាព ស្មុគស្មាញរបស់មនុស្សកាត់បន្ថយរោគដំបៅក្រពះ និងរោគហឺត។

ជាមួយនឹងការស្រាវជ្រាវទាំង អស់នេះវាដូចជាមានអត្ថប្រយោជន៏ដល់សុខភាពច្រើន ជាមូលហេតុ ធ្វើឲ្យមនុស្សជុំវិញពិភពលោកនិយមប្រើម្រេចទោះបីវាផលិតចេញជា គ្រាប់ថ្នាំក៏ដោយ ដូច្នេះ សូម កុំបដិសេធក្នុង ការថែមម្រេចទៅលើមុខម្ហូបរបស់អ្នក៕

អានបន្ត...

ចង់បានត្រគាកធំជាងមុនត្រូវតែហាត់ប្រាណបែបនេះ

By admin សុខភាព Leave a Comment

ការធ្វើលំហាត់ប្រាណខាងក្រោម នឹងជួយឲ្យត្រគាករបស់អ្នកមានភាពស៊ិចស៊ី និងមានរាងមូលគួរឲ្យចង់ស្ទាបអង្អែល។

លើកកែងជើង
ការលើកកែងជើងគឺជាកាយវិការដ៏ល្អសម្រាប់បង្កើនរង្វង់ទី៣របស់អ្នក ។ អ្នកអាចប្រើប្រាស់ទម្ងន់ជើង ដើម្បីបង្កើតភាពតឹងណែន ជួយឲ្យសាច់ដុំបានមាំមួន។

១-ចាប់ផ្ដើមដោយយកដៃទ្រានទៅលើដី ដាក់ជើង និងជង្គង់របស់អ្នកស្មើនឹងឥដ្ឋ។ លើកជើងម្ខាងត្រង់ទៅលើបង្កើតជាជ្រុង៩០ដេក្រេ នៅត្រង់ជង្គង់។ បន្ទាប់មកត្រូវបត់ជង្គង់(ជើងដែលលើកឡើងលើ) ចុះឡើង ដើម្បីបន្ដឹងសរសៃ និងសាច់ដុំត្រគាកនៅពេលអ្នកដកដង្ហើមចេញ។

២-ដកដង្ហើមចូលនៅពេលដាក់ជង្គង់ចុះបន្ដិចម្តងៗ រួចប្ដូរជើង។

បន្ថែម ៖ សម្រាប់ អ្នកដែលអាចហាត់ដោយប្រើកម្លាំងខ្លាំង ចូរធ្វើឲ្យបានពី១ ទី២នាទីសម្រាប់ជើងម្ខាង ប៉ុន្ដែលើកនេះត្រូវលាតសន្ធឹងជើងឲ្យធំទៅម្ខាង។

លោតអង្គុយ
ការលោតអង្គុយ គឺមានប្រសិទ្ធិភាពខ្ពស់ក្នុងការបង្កើនកម្លាំង និងដុតរំលាយជាតិខ្លាញ់។

១-ដើម្បីចាប់ផ្ដើម ចូរបន្ទន់ជង្គង់ ចុះមកទាប (មិនត្រូវឲ្យទាបពេក)។ នេះគេហៅថា ឥរិយាបទបន្ទន់ជង្គង់ដោយសុវត្ថិភាព។

២-បន្ទាប់មក លោតទៅលើឲ្យបានត្រង់ដងខ្លួន និងទម្លាក់ជើងចុះ ដោយឥរិយាបទបន្ទន់ជង្គង់ដោយសុវត្ថិភាព។ ធ្វើសាចុះឡើង បែបខាងលើនេះ ឲ្យបាន ៣០វិនាទី។

លើកជើងម្ខាង
កាយវិការនេះ មានប្រយោជន៍ដល់រាងកាយ និងបង្កើតភាពស៊ិចស៊ីដល់ជើង។

១. ទម្រេតខ្នងទៅលើឥដ្ឋ ដោយយកជើងម្ខាងជាន់ទៅលើឥដ្ឋ ហើយលើកជើងម្ខាងទៀត ត្រង់ទៅលើ ចំណែកដៃទាំង ២ លាតសន្ធឹងស្មើឥដ្ឋ។

២. ដកដង្ហើមចេញ នៅពេលអ្នកដាក់ទម្ងន់ដងខ្លួនទៅលើជើងដែលជាន់នឹងឥដ្ឋ ហើយលើកគូទឡើងទៅលើ ឲ្យត្រង់ជាមួយស្មា និងជង្គង់។ បន្ទាប់មក ដាក់គូទចុះទាប រួចលើកឡើងៗ ហើយដើកដង្ហើមចូលនៅពេលអ្នកវិលត្រឡប់មកកាយវិការដំបូង។ ចូរធ្វើសាចុះឡើង ឲ្យបាន ២០នាទីសម្រាប់ជើងនិមួយ៕

អានបន្ត...

វិធីសាស្ត្រទាំង៦ដែលនាំឲ្យជីវិតរបស់អ្នកមានតុល្យភាព

By admin សុខភាព Leave a Comment

ប្រសិនបើគោលដៅមិនទាន់សម្រេច អ្នកពិតជាពិបាកស្វែងរកឃើញនូវបានសេក្តីស្ងប់ និងលំនឹងណាស់។ ការមានតុល្យភាពក្នុងជីវិតរស់នៅវាពិតជាសំខាន់ណាស់។ ដូច្នេះហើយគួរតែចេះរៀបចំពេញវេលារបស់ អ្នកឲ្យបានត្រឹមត្រូវដូចជា ពេលសម្រាប់ធ្វើការ និងការធ្វើការថែទាំសុខភាព… ខាងក្រោមនេះជាវិធីសាស្ត្រ៦បែបដែលសារព័ត៌មានកំណើតថ្មី នឹងបង្ហាញលោកអ្នកនៅថ្ងៃនេះ ៖

១.ស្វែងយល់ពីចំណុចខ្លាំងរបស់ខ្លួន
ដើម្បីរស់នៅឲ្យមានតុល្យភាពក្នុងជីវិតអ្នកគួរតែស្វែងរកការងារ ធ្វើ ដើម្បីបំពេញតំរូវរបស់ខ្លួន និងធ្វើឲ្យខ្លួនកាន់តែមានភាពល្អប្រសើរ។ ចំពោះអ្វីទាំងអស់នេះអ្នកគួរតែគិតឲ្យប្រុងប្រយ័ត្ន និងត្រូវតែយល់អំពីអ្វីដែលមានឥទ្ធិពលក្នុងជីវិតរបស់អ្នក។ ជាការពិតណាស់សម្រាប់អ្វីដែលមានឥទ្ធិពលដែលអាចធ្វើឲ្យអ្នកមាន ការរីកចម្រើន និងអាចផ្លាស់ប្តូរគ្រប់កាលៈទេសៈ។ ដូច្នេះវាពិតជារឿងសំខាន់មួយដែលអ្នកគួរតែស្វែងយល់ពីចំណុចខ្លាំង របស់ខ្លួនឯង។

២.ការកំណត់គោលដៅពិតប្រាកដ
ការកំណត់គោលដៅឲ្យបានច្បាស់លាស់ គឺជាដំណោះស្រាយមួយដែលធ្វើឲ្យអ្នកបានជោគជ័យក្នុងពេលដ៏ខ្លី។ សូមប្រាកដថាគោលដៅដែលអ្នកបានកំណត់នោះគឺអ្នកអាចធ្វើបាន។ ប្រសិនបើការកំណត់របស់អ្នកវាមិនអាចទៅរួចអ្នកនឹងមិនអាចស្វែងរកនូវ ភាពសេចក្តីស្ងប់ក្នុងចិត្ត និងតុល្យភាពនៅជីវិតឡើយ។ ម្យ៉ាងវិញទៀត អ្នកគួរតែដឹងពីព្រំដែន និងសមត្ថភាពរបស់អ្នកផងដែរ។

៣.មានមហិច្ឆតាផ្ទាល់ខ្លួន
ក្នុងជីវិតរស់នៅគួរតែមានការចង់មានចង់បានការស្រឡាញ់ផ្ទាល់ខ្លួនខ្លះ ។ នៅពេលដែលអ្នកបន្តនូវមហិច្ឆតារបស់អ្នក អ្នកនឹងកាត់បន្ថយបាននូវភាពតានតឹងក្នុងអារម្មណ៍ ហើយនឹងមានផ្តោតការចិត្តទុកដាក់ទៅលើវាបន្ថែមទៀត។ វាអាចជួយឲ្យអ្នកកំណត់គោលដៅកាន់តែបានច្បាស់លាស់ជាងមុនទៅទៀត នោះអ្នកនឹងរីករាយជាមួយអ្វីដែលអ្នកអាចទទួលបានយ៉ាងងាយស្រួលជាងមុន ។

៤.ត្រូវមានគំនិតសុទិដ្ឋិនិយមជានិច្ច
ព្យាយាមទទួលយកនូវចំណុចល្អ និងអាក្រក់។ អ្នកត្រូវចេះឆក់ឱកាសដែលអាចធ្វើឲ្យអ្នកទទួលបាននូវភាពជោគជ័យ។ ប្រសិនបើអ្នកជួបប្រទះនូវភាពបរាជ័យនោះ គឺមិនដោយសារតែភាពក្រអឺតក្រទម ឬគំនិតទុតិដ្ឋិនិយមដែលជាមេរៀនសម្រាប់ខ្លួនអ្នកដែលទាំងអស់នេះ នឹងជួយឲ្យអ្នកអាចស្វែងរកនូវតុល្យភាពនៅក្នុងជីវិត និងជាសេចក្តីរំឭកជានិច្ចមិនឲ្យមានគំនិតទុទិដ្ឋិនិយម និងស្វែងយល់អំពីអ្វីដែលអ្នកធ្លាប់បាត់បង់។

៥.ស្វែងយល់ពីចរិតរបស់អ្នក
សេក្តីក្លៀវក្លាពិតជាមានសារៈសំខាន់ធ្វើឲ្យជីវិតមានតុល្យភាព ជីវិតដែលជាចិត្តសាស្ត្រដ៏នៃភាពស្ងប់។ អ្នកអាចទទួលបាននូវសេក្តីស្ងប់ ដោយការពិតចារណានិងសញ្ចឹងគិតអំពីដែលទៀងទាត់។ ការធ្វើសមាធិអាចធ្វើឲ្យអ្នកកាន់តែយល់ច្បាស់ និងទទួលបានការយល់ដឹងយ៉ាងទូលំទូលាយ។

៦.ការថែទាំសុខភាព
អ្នកនឹងមិនអាចសម្រេចអ្វីបាននោះទេប្រសិនបើអ្នកធ្លាក់ខ្លួនឈឺ។ អ្នកត្រូវតែយកចិត្តថែរក្សាសុខភាពរបស់អ្នកឲ្យបានល្អ ព្រោះវាជារឿងសំខាន់ជាងអ្វីៗទាំងអស់នៅក្នុងជីវិត។ ចូររៀបចំនូវរបបអាហារ ការសំរាក ការហាត់ប្រាណឲ្យបានទៀតទាត់ ដែលនឹងធ្វើឲ្យអ្នកទទួលបានសុខភាពល្អ ព្រមទាំងមានថាមពល ដើម្បីសម្រេចនូវអ្វីៗដែលអ្នកត្រូវការ៕

អានបន្ត...

តើផ្កាឈូករ័ត្នមានអត្ថប្រយោជន៍យ៉ាងណាខ្លះ?

By admin សុខភាព Leave a Comment

ផ្កាឈូករត្ន័ជាផ្កាមួយប្រភេទដ៏ ស្រស់ស្អាត ដោយខ្នាតដ៏ធំរបស់វានៅពេលរីកពេញលេញរួមផ្សំនឹងពណ៌លឿងស្រស់ ដែលផ្តល់នូវអារម្មណ៍ស្រស់ថ្លា នៅពេលបានប៉ះនឹងខ្សែនេត្រារបស់ អ្នកគយគន់។ ប៉ុន្តែអ្នកដឹងទេថានៅមានរឿងល្អ ដែលមានគុណតម្លៃ និងប្រយោជន៍ចំពោះមនុស្សយើង ច្រើនជានេះទៅទៀត ដែលបង្កប់នៅក្នុងភាពស្រស់ស្អាតនៃរូបរាង និងពណ៌ស្អាតរបស់វា។ផ្កាឈូករ័ត្នមានឈ្មោះជាភាសាអង់គ្លេសថា “Sunflower” ចំណែកឈ្មោះវិទ្យាសាស្ត្ររបស់វាគឺ Helianthus annuus Linn ជារុក្ខជាតិក្នុងត្រកូល Compositae ។

លក្ខណៈទូទៅៈ
ផ្កាឈូករ័ត្នមានដើមកំណើតនៅទឹកដីទ្វីបអាមេរិកខាងជើង ដែលក្រោយមកត្រូវបានគេនាំទៅពង្រីកពូជពង្ស នៅទ្វីបផ្សេងៗស្ទើរពេញពិភពលោក ព្រោះងាយស្រួលដាំ និងឆាប់ធំធាត់ ជាពិសេសនៅតំបន់ដែលមានអាកាសធាតុក្តៅ។ វាជារុក្ខជាតិដែលមានអាយុខ្លីត្រឹមតែ១ឆ្នាំប៉ុណ្ណោះ។ កម្ពស់របស់វាប្រមាណ១ម៉ែត្រទៅ៣ម៉ែត្រ តែជាមធ្យមគឺពី១ទៅ១ម៉ែត្រកន្លះ។ ដើមរបស់វាបញ្ឈរត្រង់មានរោមគ្របដណ្តប់។ ស្លឹករបស់វាជាបែបស្លឹកទោលក្នុងលក្ខណៈរៀងឆ្លាស់គ្នា (Alternate) ស្លឹកមានទំហំធំតែមើលទៅស្អាតព្រោះមានរាងដូចបេះដូង។ តាមគែមស្លឹកមានរាងគន្លាក់ៗដូចធ្មេញរណា។ ចំណែកចុងស្លឹកមានរាងរៀវស្រួច ស្លឹកវាពណ៌ខៀវចាស់។ រីឯផ្ការបស់វាចេញជាកញ្ចុំខ្នាតធំដែលខ្លះមានទំហំរហូតដល់៣០ស. ម ស្រទាប់ផ្កាវង់ខាងក្រៅរបស់វាមានពណ៌លឿងខ្ចី។ វាមានគ្រាប់ពណ៌ស លាយលឿង ឬពណ៌ខ្មៅ អាចពង្រីកពូជបានដោយការព្រោះគ្រាប់។

គុណប្រយោជន៍
ផ្កាឈូករ័ត្ន ក្រៅពីមានភាពស្រស់ស្អាត គួរឲ្យចាប់ចិត្តគយគន់ហើយនោះក៏នៅមានគុណប្រយោជន៍គ្រប់ផ្នែក ទាំងឬស ដើម ស្លឹក ផ្កា គ្រាប់។ ស្លឹករបស់វាគេប្រើថ្នាំព្យាបាលអាការៈឈឺចាប់ផ្សេងៗ ដូចជាឈឺពោះ បន្ធូរអាការចុកណែនទ្រូង ហើមជាំ ព្រមទាំងជាថ្នាំបញ្ចុះនោម បញ្ចុះមេរោគរួមទាំងជួយព្យាបាលអាការៈរោគទឹកនោមផ្អែម និងហឺតបានផងដែរ។ ដើមរបស់វាគេប្រើជាថ្នាំបញ្ចុះនោម ថ្នាំបន្ធូរអាការៈក្អក រួមទាំងយកមកបុកឲ្យម៉ត់ដើម្បីបិទដំបៅ ឬរបួសថ្មីៗ ដែលមានឈាមចេញមកបាន។ ផ្ការបស់វាប្រើជាថ្នាំព្យាបាលអាការៈឈឺក្បាល ឈឺធ្មេញ ឈឺក្រពះ ឈឺចាប់ពេលមានរដូវ បណ្តេញខ្យល់ បំបាត់អាការៈវិលមុខ។ ចុងក្រោយ គឺគ្រាប់របស់ផ្កាឈូករ័ត្ន ក្រៅពីយកមកទទួលទានលេងយ៉ាងមានប្រយោជន៍ហើយនោះ អាចប្រើជាអាហារសម្រាប់សត្វចិញ្ចឹម ដូចជាសេក សារិកា ឬប្រើជាថ្នាំផ្តាសាយ ថ្នាំកម្ចាត់ស្លេស្មល៍ ហើយសម្បកគ្រាប់របស់វាប្រើព្យាបាល អាការៈត្រចៀកធ្ងន់បានដែរ៕

អានបន្ត...

ឥរិយាបថសម្រាប់អ្នកធ្វើការនៅក្នុងការិយាល័យ ប្រកបដោយជោគជ័យ

By admin សុខភាព Leave a Comment

ដើម្បីផ្តល់ជាចំណេះដឹងស្តីពី ភាពជោគជ័យ សម្រាប់អ្នកធ្វើការនៅក្នុងការិយាល័យនោះ ថ្ងៃនេះសារព័ត៌មានកំណើតថ្មី បានធ្វើការពាំនាំនូវគន្លឹះសំខាន់ៗមួយចំនួន ដែលទាក់ទងទៅនឹងសកម្មភាព ប្រចាំថ្ងៃ សម្រាប់អ្នកធ្វើការនៅក្នុងការិយាល័យ។ ដូច្នេះដើម្បីទទួលបានលទ្ធផលល្អ និងមានភាពស្និទស្នាលជាមួយសមាជិកក្រុមការងារក៏ដូចជាបុគ្គលិក ទាំងអស់នៅក្នុងក្រុមហ៊ុន សូមលោកអ្នកធ្វើការអាននូវគន្លឹះមួយចំនួនខាងក្រោមនេះ ហើយចាប់ផ្តើមអនុវត្តទាំងអស់គ្នានាពេលនេះតែម្តង។

អាកប្បកិរិយា
អ្នកគួរតែរក្សាអាកប្បកិរិយា ឲ្យបានល្អបើទោះជាមានរឿងអ្វីកើតឡើង ឬក៏មានបញ្ហាណាមួយបានកើតមានចំពោះជីវភាពអ្នកគួរគប្បីទុកវាមួយ ឡែក ហើយត្រូវផ្តោតអារម្មណ៍ទៅលើការងារនៅការិយាល័យ និងត្រៀមខ្លួនជានិច្ច ដើម្បីបំពេញកិច្ចការឲ្យបានប្រសើរតាមដែលអាចធ្វើទៅបាន។ ចូរកុំនាំយកបញ្ហាផ្ទាល់ខ្លួនមកភ្ជាប់នឹងការងារការិយាល័យដោយ ការធ្វើអារម្មណ៍ឲ្យមានភាពវិជ្ជមានឲ្យបានច្រើនបំផុត។

មិនត្រូវនាំពាក្យមិនល្អចូលកន្លែងធ្វើការ
នេះជាប្រការសំខាន់ដោយគួរប្រុងប្រយ័ត្នជាមួយមនុស្សដែលមានជំនាញ នាំភ្លើងចេញភ្លើងចូលព្រោះវាអាចបង្កជាបញ្ហាដល់សង្គមការងាររប ស់អ្នក។ ម្យ៉ាងវិញទៀតការជជែកគ្នាច្រើនក៏អាចជះឥទ្ធិពលអាក្រក់ដល់ការងារ របស់ខ្លួន ហើយនេះ មិនគិតដល់ប្រការដែលអ្នកអាចធ្វើឲ្យខូចខាតប្រយោជន៍ដល់អ្នកដទៃ ឬមិត្តរួមការងារនោះទេ។

ចេះគោរពគ្នាទៅវិញទៅមក
អ្នកធ្វើការគ្រប់រូបគួរព្យាយាមបង្ហាញការគោរពជាមួយនឹងមិត្តរួម ការងារទៅវិញទៅមក មិនថាគេជាមេកើយ ឬបុគ្គលិក ដែលមានឋានៈតូចទាបជាងខ្លួននោះទេ រីឯការអនុវត្តច្បាប់ការិយាល័យ គឺគ្រាន់តែជួយកែលំអបរិស្ថានការងារឲ្យមើលទៅកាន់តែស្រស់បំព្រង តែប៉ុណ្ណោះ។

ជួយជ្រំជ្រែងមិត្តរួមការងារ
ការជួយគ្នាទៅវិញទៅមកក្នុងការបំពេញការងារ គឺជារឿងមួយ ដ៏សំខាន់បំផុតហើយជាពិសេសអ្នកត្រូវរួមចំណែកជួយជ្រំជ្រែងមិត្តរួម ការងារដទៃទៀត ដើម្បីឲ្យពួកគេ អាចធ្វើការប្រកបដោយភាពជោគជ័យ បើទោះជាអ្នកមិនចូលចិត្តពួកគេ ក៏ដោយចុះ។ លើសពីនេះអ្នកមិនគួរចំណាយពេលវេលាក្នុងការងារដែលពុំមានប្រយោជន៍ ហើយជំនួសមកវិញដោយការធ្វើការងារណាដែលមានប្រយោជន៍ដល់ខ្លួនឯង និងអ្នកដទៃផងដែរ។

បំពេញការងារឲ្យបានល្អជាជាងការស្នើសុំ
ចូរខិតខំស្វែងរកវិធីសាស្ត្រ ដែលមានប្រសិទ្ធិភាព ដើម្បីបំពេញការងារឲ្យបានល្អជាជាងការដាក់ចេញគំនិតពីមេរបស់ខ្លួន។ ចំពោះអ្នកដែលចង់បានស្នាដៃល្អៗច្រើន ក៏គួរតែព្យាយាមធ្វើឲ្យវាបានកាន់តែប្រសើរជាងមុន។ ម្យ៉ាងវិញទៀតអ្នកគួរធ្វើខ្លួនឲ្យក្លាយ ជាបុគ្គលិកសកម្មហើយកុំចេះតែនៅរង់ចាំបញ្ជាពីមេ ឬអ្នកដទៃ ដោយអ្នកគួរតែជាមនុស្សដែលហ៊ានគិត ប៉ុន្តែក៏ត្រូវតែហ៊ានធ្វើដែរ។

ការចូលរួមគ្រប់សកម្មភាព
អ្នកត្រូវតែធានាថាខ្លួនឯង មិនបានបង្កការលំបាកនៅពេលបំពេញការងារនោះឡើយ ហើយត្រូវចងចាំថា សិស្សសាលាម្នាក់នឹងឆ្លើយតាមសិស្សម្នាក់ទៀត ពេលគ្រូសួរមេរៀនគឺដើម្បីជៀសវាងការស្តីបន្ទោស ឬដើម្បីផុតពីការដាក់ពិន័យប៉ុណ្ណោះ។ ដូច្នេះ បុគ្គលិកគ្រប់រូប មិនគួរគប្បីធ្វើបែបនេះទៀតទេ ចូរខំប្រឹងបង្កើតនូវគំនិតផ្ទាល់ខ្លួនឡើងនិងត្រូវចេះចូលរួមមតិ និងបំពេញការងារឲ្យបានល្អពេលនោះអ្នកនឹងមានមោទនភាពចំពោះការចូលរួម របស់ខ្លួន យ៉ាងពេញចិត្តបំផុត។

ធ្វើការបង្ហាញនិងចូលរួមការវាយតម្លៃ
ចូរបង្ហាញឲ្យអ្នកដទៃដឹងថាខ្លួនឯងកំពុងតែឲ្យតម្លៃខ្ពស់ដល់ អ្នកដទៃខណៈដែលអ្នកបានរួមសហការណ៍ជាមួយពួកគេ។ ក្នុងករណីដែលអ្នកយល់ឃើញថាមានបុគ្គលិកណាម្នាក់បានធ្វើការចូលរួម ប៉ុន្តែមិនសមតាមបំណងរបស់ខ្លួន នោះអ្នកគួរតែវាយតម្លៃពួកគេនៅក្នុងកំរិត ដែលមានលក្ខណៈជាការចូលរួមស្ថាបនា ដូច្នេះវាប្រសើរជាជាងការបង្ហាញពីកំហឹង និងភាពក្តៅក្រហាយចំពោះពួកគេ។

ត្រូវទុកពេលវេលាជារឿងសំខាន់(កុំទៅយឺត)
ការគោរពពេលវេលាជារឿងមួយ ដ៏សំខាន់សម្រាប់ខ្លួនឯង ក៏ដូចជាអ្នកដទៃ ដូច្នេះចូលទុកពេលវេលាប្រៀបដូចជាអ្នកវត្ថុជាប់ខ្លួនមួយ ដ៏សំខាន់ដែលមិនអាចបាត់បាន។ សម្រាប់អ្នកធ្វើការទាំងអស់ចូរជៀសវាងការទៅយឺតយ៉ាវ ពេលវេលា មិនថាថ្ងៃធ្វើការធម្មតា ឬក្នុងការណាត់ជួបកិច្ចប្រជុំការឆ្លើយតបទូរស័ព្ទ ឬអ៊ីមែលនោះទេ ព្រោះវា ក៏អាចបង្ហាញ និងធ្វើការវាយតម្លៃខ្ពស់ថា អ្នកជាមនុស្សគោរពពេលវេលារបស់ខ្លួន និងអ្នកដទៃ ដោយការមិនខ្ជះខ្ជាយពេលវេលា ព្រោះតែការមកយឺតនោះឡើយ។

ឆ្លាតវៃក្នុងការបំពេញការងារ
សម្រាប់ប្រការនេះវិញ គឺជាចំណុចដ៏សំខាន់មួយទៀតក្នុងការបំពេញការងារ។ ឧទាហរណ៍ថា អ្វីដែលអ្នកសរសេរគឺមានកំហុសឆ្គងផ្នែកអក្ខរាវិរុទ្ធ និងប្រកបខុសទាំងស្រុងក្នុងលិខិត ដែលអ្នកត្រៀម នឹងផ្ញើជូនមេ ឬអ្នកដទៃ? តើវានឹងទៅជាយ៉ាងណា បើពួកគេបានឃើញថា អ្នកកំពុងតែខ្ជីខ្ជានឹងការងារបែបនេះ នោះប្រការនេះ ហើយវានឹងធ្វើឲ្យអ្នកទទួលបានជោគជ័យ ឬមានការរីកចម្រើនទេ ដូច្នេះ អ្នកគប្បីប្រើប្រាស់នូវវត្ថុជំនួយផ្សេងៗ ដូចជាវចនានុក្រម ឬក៏អត្ថបទចាស់ ដែលធ្លាប់បានប្រើពីមុនជាដើមដើម្បីជួយឲ្យការសេរសេររបស់អ្នក ប្រកបដោយភាពត្រឹមត្រូវនិងងាយស្រួលយល់៕

អានបន្ត...

កែវ នីសា ធ្វើឲ្យឧកញ៉ាក្អួតឈាម ព្រោះហាមចិត្តប្រុសក្មេងមិនបាន

By admin សិល្បះកំសាន្ត Leave a Comment

រាជធានីភ្នំពេញ : កែវ នីសា អ្នកមេម៉ាយឡូយឆាយ មានមន្ត្រីធំ ឧកញ៉ាបានចូលខ្លួនសារភាពស្នេហ៍នាងរើខ្លួនមិនរួចក្តី តែនាងនៅមិនដាច់ចិត្តចោលប្រុសស្នេហ៍ លឹម ជាឡាយ ដែរ។ គួរ

រំលឹកឲ្យដឹងថា ពេលនេះគេឃើញ លឹម ជាឡាយ និងនាង កែវ នីសា នៅតែល្អូកល្អិននិងគ្នាដដែល បានធ្វើឲ្យលោកឧកញ៉ាដែលចាយលុយដូចក្រដាសត្រៀមជះលុយលើ កែវ នីសា បានប្តូរចិត្តវិញហើយ ព្រោះបានទុកឲ្យកាសឲ្យនាងពិចារណាថាតើយកលុយ ឬក៏យកប្រុសក្មេង តែទីបំផុតអ្នកមេម៉ាយរូបនេះនៅតែកៀកកើយប្រុសក្មេងដដែល បានធ្វើឲ្យលោកឧកញ៉ាខកចិត្តជាខ្លាំង។

កែវ នីសា ហាក់ បាត់បង់ឲ្យកាសក្រសោបតួឯក ដូចមុនទៀត ហើយក្រោយទើរនៅទ្រនំ MYTV មក មិនសូវចេញមុខតាមភាពយន្ត ខារ៉ាអូខេទៀតឡើយ។ មានដំណឹងថា កែវ នីសា ហាក់ធុញទ្រាន់ អាជីពចាស់ តែខ្លះទៀតថា នីសា ហៅប៉ុច ត្រូវឧកញ៉ា ម្នាក់ ដែលតាមស្នេហ៍នាង តាមហួងហែង ស្របពេល ដែលមានដំណឹងគួរឱ្យភ្ញាក់ផ្អើលថា អ្នកមេម៉ាយល្បី មានកូនស្រី១នេះ កំពុងប្រចណ្ឌសង្សារក្មេង លឹម ជាឡាយ ស្និទ្ធស្នាលចម្លែកជាមួយស្រីក្មេងម្នាក់…។

បើទោះជាមានមន្ត្រីធំ ឧកញ៉ា បានចូលខ្លួនមកសារភាពស្នេហ៍អ្នកមេម៉ាយឡូយជាងក្រមុំ កែវ នីសា រកតែរើខ្លួនមិនរួចក៏ដោយ តែទីបំផុត នីសា មិនដាច់ចិត្តបោះបង់ចោលប្រុសស្នេហ៍ថ្លើមថ្លៃលោក លឹម ជាឡាយ ឡើយ ព្រោះរយៈពេលចុងក្រោយនេះ ពួកគេនៅតែល្អូកល្អិនជាមួយគ្នាដូចស្ករតាំងម៉ែដដែល ធ្វើឲ្យលោកឧកញ៉ាម្នាក់ដែលចាយលុយដូចក្រដាស ត្រៀមជះលុយលើ កែវ នីសា នោះបានប្តូរចិត្តវិញហើយ ព្រោះទុកឲ្យឱកាស នីសា ពិចារណាថា តើយកលុយ ឬមួយក៏ប្រថុយឲ្យបប្រុសក្មេង? តែទីបំផុតអ្នកមេម៉ាយ រូបនេះ បានលេងមួយក្បាច់ គឺនៅតែកៀកកើយប្រុសស្នេហ៍ លឹម ជាឡាយ ដដែលទើបធ្វើឲ្យលោកឧកញ៉ាខកចិត្តជាខ្លាំង។

កែវ នីសា មិនសូវបណ្តើរលឹម ជាឡាយ ជាចំហតាមកម្មវិធីសិល្បៈដែលតារាៗ ជួបជុំគ្នាទេ ទើបធ្វើឲ្យអ្នកខ្លះសង្ស័យថា ពួកគេរង្គោះរង្គើស្នេហ៍។ ប៉ុន្តែតាមពិតគឺពួកគេ គ្រាន់តែលេងស្ទីលបំភ័ន្តភ្នែកប៉ុណ្ណោះ ព្រោះ នីសា និង ជាឡាយ តែងតែបណ្តើរគ្នាទៅរឹតចំណងស្នេហ៍នៅតំបន់រមណីយដ្ឋានតាមបណ្តាខេត្ត ឆ្ងាយ។ ហើយអ្វីដែលគួរឲ្យភ្ញាក់ផ្អើលនោះ គឺមានដំណឹងថា ថ្មីៗនេះ កែវ នីសា បានប្រចណ្ឌប្រុសក្មេង លឹម ជាឡាយ ស្និទ្ធស្នាល ចម្លែកជាមួយកូនស្រីថៅកែផលិតកម្មមួយទៀតផង។

ប្រភពបានឲ្យដឹងថា ប្រុសក្មេង លឹម ជាឡាយ តែងតែតុកស៊ិកមួម៉ៅពេលឮដំណឹងថា នីសា មានប្រុសៗ អ្នកមានតាមជ្រែកស្នេហ៍ ហើយរូបគេច្រើនតែទៅបន្លប់ទុក្ខផឹកស៊ីនៅ ក្លឹបរាត្រី តែមិនហ៊ានសម្តីធ្ងន់ដាក់ នីសា ទេ សុខចិត្តឱបទុក្ខ។ ដោយឡែកកែវ នីសា វិញ បើហ៊ានតែដឹងថា ជាឡាយ មានស្រីថ្មីវិញ គឺច្បាស់ជាឆេះដុំជាមិនខាន ហើយនាងព្រមាន ជាឡាយ ឲ្យបញ្ឈប់ជាបន្ទាន់ បើមិនដូច្នេះទេ គឺត្រូវចប់គ្នា អ៊ីចឹងហើយ ទើប ជាឡាយ រាល់លើកតែងតែសម្របសម្រួល តាមស្រីស្រស់ថ្លើមថ្លៃជានិច្ច។ ដោយឡែកការធ្លាយរឿង កែវ នីសា ប្រចណ្ឌស្រីក្មេង កូនថៅកែផលិតកម្មមួយនោះ គេជឿថា ជាឡាយ ច្បាស់ជាលែងហ៊ានស្និទ្ធស្នាលខុសធម្មតាជាមួយស្រីក្មេងនោះទៀត ជាមិនខាន។

កែវ នីសា ហាក់ស្ងប់ស្ងាត់បាត់ខ្លួនពីតំណែងតួឯកតាមភាពយន្ត និងខារ៉ាអូខេ តាំងពីបានតំណែងជាពិធីការិនីនៅស្ថានីយ៍ទូរទស្សន៍ MyTV មកទើបធ្វើឲ្យកេរ្តិ៍ឈ្មោះអ្នកមេម៉ាយរូបនេះស្ថិតក្នុង ការព្រួយបារម្ភ ព្រោះតែនាង ឌុច លីដា ច្បាមយកអស់ទៅហើយ។ ប៉ុន្តែតាមប្រភពថា លោកឧកញ៉ាម្នាក់ ដែលនៅតែចិញ្ចឹមចិត្តស្រឡាញ់ កែវ នីសា នោះ មិនចង់ឲ្យអ្នកមេម៉ាយឡូយជាងក្រមុំរូបនេះ ថតឲ្យបថើបជាមួយតារាប្រុសៗ ទៀតឡើយ។ លោកឧកញ៉ានោះ នៅតែមិនបោះបង់ការតាមថ្ពក់បេះដូងមេម៉ាយនេះទេ បើទោះបីជាដឹងថា កែវ នីសា មិនព្រមបោះបង់ប្រុសក្មេង ជាឡាយ ក្តី គ្រាន់តែលោកឧកញ៉ានោះរង់ចាំ តាមដានមើលជំហរស្នេហ៍របស់កែវ នីសា សិន៕

អានបន្ត...

ការស្លៀកខ្លី ក៏ជួយលើសម្រស់បានមួយកម្រិតដែរ

By admin សុខភាព Leave a Comment

សូមណែនាំឲ្យជ្រើរើសយកប្រភទដែល ប្រើរួរាងរបស់ ខ្លួនឯងជាអ្នកកាត់ក្តីដូចខាងក្រោម ៖

ប្រសិនបើអ្នកកំពុងតែមានមន្ទិលថា រួបរាងអ្នកបច្ចុប្បន្នស្លៀកសំពត់កើត ឬអត់ និងគួរជ្រើសរើសបែបណា ដើម្បីឲ្យស័ក្តិសមនឹងបុគ្គលិកលក្ខណះនោះ។ ថ្ងៃនេះសារព័ត៌មានកំណើតថ្មី

ស្ត្រីរាងតូចល្អិត ណែនាំឲ្យជ្រើសរើសសំពត់ជីបភ្លី តែរាងវែងបន្តិចដល់ក្បាលជង្គង់ ឬក៏នៅលើក្បាល់ជង្គង់បន្តិចក៏ល្អម្យ៉ាងដែរ។ អ្នកអាចជ្រើសយកប្រភេទជីបភ្លីញឹកបន្តិច ឬរង្វើលក៏បាន។

ចំណែកស្ត្រីមានរាងរៅខ្ពស់ស្រឡះវិញ គួរជ្រើសយកសំពត់ប្រភេទវែងគ្រប់បាតក្បាលជង្គង់ តែមានគួទ រាងខ្លីបន្តិច អាចមានចាប់ជីបន្តិច ឬក៏នៅជាយសំពត់មានជររួញអង្កាញ់ៗក៏ល្អម្យ៉ាងដែរ។

រីឯសុភាពស្ត្រីសាមសាច់ត្រគាត់រាងច្រើនបន្តិចវិញ គួរជ្រើសយកសំពត់ខ្លីសាច់លាតរាងជា អក្ស A យកប្រភេទកំណត់រាងក្រាស់ ឬក៏ប្រភេទជរនៅត្រង់ជាយក៏អាចជួយលាក់សាច់ត្រគាកបានដែរ។

ចុងក្រោយបង្គស់សុភាពស្ត្រីមានរាងម៉ាប់បន្តិច អាចជ្រើសយកប្រភេទមានជរនៅជាយ ឬបែបជាកន្ទុយត្រីក៏អាចប្រើការបានដូចគ្នា។

តោះសាកល្បងយកបច្ចេកទេសខាងលើនេះទៅប្រើប្រាស់ធានាថា ការស្លៀកសំពត់ខ្លីរបស់អ្នកនឹងបានស្រស់ស្អាតគួឲ្យស្រឡាញ់មិនខាន។ បំណងល្អពីគេហទំព័រកំណើតថ្មី៕

អានបន្ត...

តើការម៉ាស្សាល្អសម្រាប់សុខភាពមែនឬ?

By admin សុខភាព Leave a Comment

កាលណារាងកាយកើតអាការឈឺចាប់ចុករួយ អ្នកដែលកើតអាការបែបនេះខ្លះច្រើនតែស្វែងរកសេវាម៉ាស្សា ។ អ្នកខ្លះក៏បានធូរស្បើយស្រួលខ្លួន ប៉ុន្តែអ្នកខ្លះបែរជាធ្ងន់ជាង ដើមទៅទៀត ។ការពិតទៅការម៉ាស្សាអាចជួយអ្វី បានខ្លះ ? តើជាការពិតឬទេដែលថា ការម៉ាស្សាអាចជួយព្យាបាលរោគបាននោះ ? លោកវេជ្ជបណ្ឌិត វិសាល ខាន់ថា រតនៈកុល អ្នកជំនាញផ្នែកនេះបានធ្វើការបកស្រាយលម្អិតដូចតទៅ ។

ស្រួលខ្លួន និងធូរស្បើយ
ដើម្បីស្វែងយល់អំពីអត្ថប្រយោជន៍ពិតនៃការម៉ាស្សា អ្វីដែលសំខាន់នោះគឺយើងត្រូវយល់អត្ថន័យនៃពាក្យពីរម៉ាត់សំខាន់គឺ ស្រួលខ្លួន និងជារោគជាមុនសិន ។ ស្រួលខ្លួនមានន័យថា មានអារម្មណ៍ធូរស្បើយពីការឈឺចុករួយ ប៉ុន្តែមិនមែនមានន័យថា រោគដែលកើតនោះវាជាឡើយ ។ ចំណែកឯការជារោគគឺមានន័យថា រោគមានការប្រែប្រួលមកក្នុងផ្លូវល្អដំណើររួចផុតពីឈឺ ។ គុណសម្បត្តិនៃការម៉ាស្សាគឺវាជួយឱ្យស្រួលខ្លួនប្រាកដមែនជួយឱ្យ គុណភាពជីវិតបានប្រសើរប៉ុន្តែមិនមែនជួយឱ្យជារោគទេ ដូចជាអ្នកជំងឺដែលកើតរោគស្លាប់មួយចំហៀងខ្លួនមានអាការចុករួយជើង នៅពេលធ្វើការម៉ាស្សារួចក៏មានអារម្មណ៍ធូរស្រាល ប៉ុន្តែមិនមែនជួយឱ្យរោគស្លាប់មួយចំហៀងខ្លួនជាឡើយ ។

ការម៉ាស្សាដែលជួយឱ្យជារោគ
ការម៉ាស្សាដែលអាចព្យាបាលរោគបានភាគច្រើនគឺជារោគដែលពាក់ព័ន្ធ ទៅនឹងសាច់ដុំដូចជា អាការឈឺក្បាលដោយសារសាច់ដុំ អហ្វហ្វីស ស៊ីនដ្រូម ដែលកើតពីការអង្គុយក្នុងឥរិយាបថមិនបានត្រឹមត្រូវរោគសម្ពាធឈាមឡើង ដែលមូលហេតុបណ្តាលមកពីសាច់ដុំប្រឹង ព្រោះការម៉ាស្សាជួយឱ្យសាច់ដុំធូររសាយ ជាហេតុជួយសម្រួលសម្ពាធឈាមឱ្យចុះមកវិញជាដើម ។

រោគដែលការម៉ាស្សាមិនអាចជួយឱ្យជាបានទេ
ស្របពេលជាមួយគ្នានេះដែរក៏មានរោគជាច្រើនទៀតដែលការម៉ាស្សាមិនអាច ជួយឱ្យជាបានទេ ដូចជារោគមហារីក ការម៉ាស្សាមិនអាចជួយឱ្យរោគនេះជាឡើយ ប៉ុន្តែអាចផ្តល់ផលល្អចំពោះការព្យាបាលដូចជាអ្នកដែលមានអាការ ឈឺក្បាលដោយសារមហារីកដែលបណ្តាលមកពីសាច់ដុំតឹង លុះដល់ទៅម៉ាស្សាក៏មានអារម្មណ៍ស្រួលខ្លួននាំឱ្យសម្រាន្តលក់ស្រួល រាងកាយក៏មានប្រព័ន្ធការពារល្អធ្វើឱ្យសុខភាពល្អ និងអារម្មណ៍ ស្រស់ស្រាយអ្នកជំងឺក៏មានកម្លាំងចិត្តតស៊ូជាមួយរោគអាច និយាយបានថា ការម៉ាស្សាមិនអាចកម្ចាត់កោសិកាមហារីកបានទេ ប៉ុន្តែវាអាចជួយរក្សាតុល្យភាពនៃរាងកាយ ។

ម៉ាស្សារួចអាចជាពីរោគម៉ៃហ្គ្រេន ?
ជាការយល់ខុសមួយដែលថា ម៉ៃហ្គ្រេនគឺជាអាការឈឺមួយចំហៀងក្បាល ពីព្រោះការពិតទៅម៉ៃហ្គ្រេនត្រូវមានអាការផ្សេងៗគួបផ្សំទៀត ។ ដូច្នេះជំនឿដែលថា ការម៉ាស្សាជួយព្យាបាលអាការម៉ៃហ្គ្រេនដោយមើលទៅលើអាការឈឺក្បាល ដែលជាបាត់ក្រោយពីការម៉ាស្សារួច ទើបជាជំនឿមួយដែលមិនត្រឹមត្រូវ ពីព្រោះប្រសិនបើវាជាម៉ៃហ្គ្រេនមែននោះការម៉ាស្សានឹងមិនអាចជួយ ព្យាបាលឱ្យជាបានទេ ។ ចំណែកឯពេលទៅម៉ាស្សារួចអាការឈឺមួយចំហៀងក្បាលបានប្រសើរនោះ ភាគច្រើនបណ្តាលមកពីការឈឺមួយចំហៀងក្បាលដោយសារសាច់ដុំច្រើនជាង ។ និយាយបែបនេះមិនមែនមានន័យថា ការម៉ាស្សាមិនល្អនោះទេ ប៉ុន្តែបើកើតម៉ៃហ្គ្រេនមែនត្រូវពឹងផ្អែកលើឱសថដើម្បីព្យាបាលផង មិនមែនសម្អាងតែទៅលើការម៉ាស្សាមួយមុខអាចឱ្យជាបានទេ ។

អ្នកដែលទៅម៉ាស្សាត្រូវយល់ដឹងអ្វីខ្លះ ?
បច្ចុប្បន្ននេះមានអ្នកម៉ាស្សាឱ្យភ្ញៀវជាច្រើន អ្នកម៉ាស្សាខ្លះក៏មានគុណភាពខ្លះទៀតមិនមានដូច្នេះសួរថា តើមានគោលការណ៍សម្គាល់យ៉ាងដូចម្តេចទើបអាចដឹងថា អ្នកម៉ាស្សាមួយណាមានគុណភាព ហើយមួយណាគ្មានគុណភាព ។ ទោះបីវាជាសំណួរមួយដែលពិបាកនឹងឆ្លើយ ប៉ុន្តែក៏មានលក្ខណៈសម្គាល់មួយចំនួនដូចខាងក្រោមនេះ ៖

*ក្រោយពីម៉ាស្សារួចគឺត្រូវតែស្រួលខ្លួន
វាអាចធ្វើឱ្យយើងមិនទាន់បានស្រួលខ្លួនភ្លាមៗក៏មានដែរ ពោលគឺពេលម៉ាស្សារួចអាចនៅឈឺខ្លះ ប៉ុន្តែមិនត្រូវលើសមួយថ្ងៃរាប់ពីថ្ងៃម៉ាស្សាបើលើសគួរតែប្តូរ អ្នកម៉ាស្សា ពីព្រោះបញ្ជាក់បានថា អ្នកម៉ាស្សាម្នាក់នេះអាចប្រើដៃធ្ងន់ពេកជាហេតុធ្វើឱ្យជាំសាច់ដុំ ។

*មនុស្សវ័យចំណាស់មិនត្រូវម៉ាស្សាក្បាច់ពត់ខ្លួន
-មិនគួរចុចសរសៃឈាមដែលជាក្បាច់ចុចហើយព្រលែងជាពិសេសត្រង់ស្មា និងចង្វែកភ្លៅ ព្រោះថាទង្វើបែបនេះ បានជះឥទ្ធិពលមិនល្អចំពោះរាងកាយពោលគឺធ្វើឱ្យជាំសរសៃឈាម ។

-អ្នកដែលមានអាការឈឺទាន់ហន់មិនត្រូវម៉ាស្សាខ្លាំងៗទេ ពីព្រោះបើម៉ាស្សាខ្លាំងៗទៅវាកាន់តែធ្វើឱ្យសាច់ដុំជាំខ្លាំងដូចជា អាការឈឺដោយសារការលេងកីឡាគួរតែម៉ាស្សាថ្នមៗស្រាលដៃ ។

*អាការជាប់ស្មាជាមួយ នឹងការម៉ាស្សា
ប្រសិនបើមានអាការជាប់ស្មាពេលទៅម៉ាស្សារួចបានប្រសើរនោះ បញ្ជាក់ថា វាមិនមែនជាអាការជាប់ស្មាពិតៗទេ អាចគ្រាន់តែជាអាការតឹងស្មាដែលកើតបណ្តាលមកពីសាច់ដុំមានបញ្ហា ព្រោះថាប្រសិនបើស្មាជាប់ពិតៗ នោះត្រូវប្រើពេលច្រើនខែទម្រាំតែនឹងជាស្រួលបួល ដោយសារតែអាការជាប់ស្មាកើតបណ្តាលមកពីការរលាកសរសៃជុំវិញស្មាម្តង បន្តិចៗរហូត ធ្វើឱ្យរលាកខ្លាំងពេលនោះរាងកាយក៏តបស្នង ដោយបង្កើតជាតិទឹកដែលមានលក្ខណៈដូចកាវជាហេតុធ្វើឱ្យសន្លាក់ ប្រទាញជាប់គ្នា ។

*ថែទាំខ្លួនឯងមិនចាំបាច់ ចំណាយប្រាក់ទៅម៉ាស្សា
ការឧស្សាហ៍ទៅម៉ាស្សាញឹកញាប់អាច ធ្វើទៅបានគឺអាស្រ័យទៅលើថវិកាដែលខ្លួនមានផង ប៉ុន្តែមានវិធីបំបាត់អាការឈឺចុករួយផ្សេងៗ ដែលល្អជាងនេះ គឺការងាកមកកែ ខៃឱ្យចំមូលហេតុនោះគឺត្រូវប្រើអវយវៈផ្សេងៗ ឱ្យបានត្រឹមត្រូវដូចជាអាការឈឺខ្នងដែលកើតពីការអង្គុយខុសឥរិយាបថ ហើយដើម្បីបំបាត់អាការបែបនេះយើងគប្បីប្តូរពីទម្លាប់ទៅម៉ាស្សា មកជាការសម្រួលឥរិយាបថអង្គុយឱ្យបានត្រឹមត្រូវ គួបផ្សំនឹងហាត់ប្រាណដោយវិធីយឹតសន្ធឹង ពេលនោះសាច់ដុំនឹងខ្លាំងជាហេតុធ្វើឱ្យអាការបានធូរស្បើយ ។ ការម៉ាស្សាបើទុកណាជាវាជួយឱ្យស្រួលខ្លួន ប៉ុន្តែបើយើងមិនធ្វើការកែសម្រួលទម្លាប់ទេនោះក៏វាមិនអាចឱ្យជា ដាច់បានឡើយ ៕

អានបន្ត...

ហេតុអ្វីបានជាត្រូវបិទភ្នែក ក្នុងពេលកំពុងថើបគ្នា?

By admin សុខភាព Leave a Comment

លោកអ្នកចាប់អារម្មណ៍ខ្លួនឯងទេ ហេតុអ្វីបានជាត្រូវបិទភ្នែក ក្នុងពេលកំពុងថើបគ្នា? ថ្ងៃនេះសារព័ត៌មានកំណើតថ្មី សូមបង្ហាញនូវ៤ចំណុចខាងក្រោម ជាហេតុផលដែលអ្នកនឹងទទួលក្នុងពេលនោះ ៖

១-អ្នកនឹងមិនចង់ឃើញរូបរាងដៃគូរបស់អ្នកបែបណានោះទេ នៅពេលអ្នកកំពុងថើបគ្នា។

២-ខួរក្បាលរបស់អ្នក នឹងមិនអាចឲ្យអណ្តាតអ្នករមួលបានទេ បើសិនភ្នែករបស់អ្នកធ្វើការរួមគ្នាក្នុងពេលតែមួយ។

៣-ចំពោះស្ត្រី អាចបាត់បង់ទំនុកចិត្តលើខ្លួនឯង ឬមានភាពអៀនខ្មាសច្រើន ដូចនេះនាងត្រូវការបិទភ្នែកក្នុងពេលថើប។

៤-ការបិទភ្នែកក្នុងពេលថើប បើស្ថិតក្នុងដំណាក់កាលពាក់កណ្តាលនៃការរួមភេទ នឹងធ្វើឲ្យអារម្មណ៍អ្នកពុះកញ្ជ្រោលកាន់តែខ្លាំង៕

អានបន្ត...

Kesor New

បុរសគួរយល់ដឹង តើស្ត្រីចូលចិត្តរួមភេទនៅថ្ងៃណា?

ផលប្រយោជន៍របស់គ្រាប់ម្រេច

ចង់បានត្រគាកធំជាងមុនត្រូវតែហាត់ប្រាណបែបនេះ

វិធីសាស្ត្រទាំង៦ដែលនាំឲ្យជីវិតរបស់អ្នកមានតុល្យភាព

តើផ្កាឈូករ័ត្នមានអត្ថប្រយោជន៍យ៉ាងណាខ្លះ?

ឥរិយាបថសម្រាប់អ្នកធ្វើការនៅក្នុងការិយាល័យ ប្រកបដោយជោគជ័យ

កែវ នីសា ធ្វើឲ្យឧកញ៉ាក្អួតឈាម ព្រោះហាមចិត្តប្រុសក្មេងមិនបាន

ការស្លៀកខ្លី ក៏ជួយលើសម្រស់បានមួយកម្រិតដែរ

តើការម៉ាស្សាល្អសម្រាប់សុខភាពមែនឬ?

ហេតុអ្វីបានជាត្រូវបិទភ្នែក ក្នុងពេលកំពុងថើបគ្នា?

Connect

Labels

Popular Posts

Labels

Pages

Popular Posts

Resent Post